Iha Suku Bemori, uma-kain rua maka Afetada ba Lalubar
DILI, 16 marsu 2020 (TATOLI)-Xefe Suku Bemori, Crsitalina Pereira Soares hateten, maioria komunidade Bemori livre hosi inundasaun (lalubur) ne’ebé akontese iha sesta (13/3/2020) lorokraik semana kotuk ne’ebé halo ema barak sai vitima no trauma.
Maibe, nia hatutan, iha uma-kain rua mak afetada ba inundasaun tanba sira-nia uma hela besik iha mota ninin no bee-mota konsege tama no lori sira-nia sasan.
“Suku Bemori komunidade maioria mak livre husi inundasaun. Maibé, iha aldeia My Friend iha uma kain rua mak afetada tanba sira hela besik loos iha mota nini. konserteza, udan boot mota tun sei afeta ba sira-nia uma no sasan lakon hotu,” dehan Xefe Suku Bemori, Cristalina Pereira Soares, ba Ajensia TATOLI liuhosi nia knaar fatin, Bemori Dili, Segunda (16/3/2020).
Relasiona ho inundasaun, nia dehan, parte autoridade lokal sensibiliza ona infromsaun ba ninia komunidade sira katak labele hela besik mota ninin tanba bainhira udan, mota tun sei estraga sira-nia uma no sasán maibe sira la halo tuir.
Fontes Notisias:https://tatoli.tl/2020/03/17/iha-suku-bemori-uma-kain-rua-mak-afetada-ba-lalubur/
