Zebra Cross ou kruzamentu zebra maka marka estrada ida ne’ebé kompostu hosi liña longitudinál metan no mutin ne’ebé dezignadu hanesan área kruzamentu espesiál ba ema la’o ain sira.
Fasilidade ida-ne’e fó prioridade ba ema la’o ain sira no sai hanesan sinál ida ba kondutór ou motorista sira atu hamenus velosidade ba seguransa rodoviaria nian.
Maibe iha estrada publiku sira balun hanesan iha dirasaun suco Bemori nian iha sinal tranzitu hanesan zebra corss iha fatin balun liña kor mutin hahu malahuk no la mos ona hodi difikulta sidadaun sira wainhira ultrapasa.
Zebra Cross ne’ebe la mos ona tenki hadia lalais, tamba bele sai perigu ba komunidade em jeral. Bainhira zebra cross ne’ebe mak la mos bele fo impaktu negativu ba kondutor ou motorista no passajeiros sira bele hetan asidente.
Situasaun hanesan ne’e la’os deit halo ema kanek maibe mos halakon ema nia vida. Tamba ne’e husu ba autoridae kompotente hodi hafoun hikas sinal tranzitu sira hanesan zebra cross hodi faslita ema lao ain sira hodi ultrapa ba mai iha estrada publiku sira.
Wainhira motorista sira kumpri regra tranzitu sira respeita zebra cross atu fo bibin ba ema lao ain no ema ho dificiensia sira bele hamenus risku asidente sira.
Tamba ne’e ema hotu tenki uja zebra cross bainhira hakarak atravessa ba estrada sorin no kondutor sira sempre kuidadu no respeita regra tranzitu sira, ho nune’e ita bele hametin seguransa ne’e hodi salva ema barak nia vida.
Realidade hatudu katak iha suco Bemori iha parte eskola duque de Caxias Bemori mai to’o iha cruzamentu iha eskola Teka São Paul, fatin hirak ne’e seidauk iha zebra cross maske iha dirasaun ne’e estudantes, profesores no ema lao ain sira dala barak utuliza hodi atraveza iha estrada sorin wainhira iha tempu oras eskola nian.
Zebra cross balun lamos ona no difisil atu hare ho ida ne’e bele aumenta risku asidente, liu-liu oras tama no sai Eskola nian.
Funsaun prinsipál Zebra Cross:
Fó direitu prioridade: Ema la’o ain sira iha direitu prinsipál atu atravesa estrada ho seguru.
Hasa’e seguransa: Sai pontu kruzamentu ida ne’ebé seguru no sentralizadu, nune’e hamenus risku ba asidente sira.
Alerta ba Kondutór sira: Hanesan sinál ida ba kondutór sira atu hamenus velosidade no alerta ba ema la’o ain sira hodi hakat liu.
Regulamentu orden: Regula legalmente iha regulamentu tránzitu atu nune’e utilizadór estrada sira ordenadu liu.
Rekomendasaun
- Husu autoridade kompotente hodi hafoun hikas ou pinta fila-fali zebra cross ne’ebe mak kor la mos ona ou tinta mos ona hodi nune’e be’e fasilita transportes publiku, motorista no ema lao ain sira.
- Kria ou halo zebra cross foun iha fatin ne’ebe iha movimentasaun ema barak no transporte publiku, hanesan besik eskola, merkadu no cruzamentu sira. Tau sinal tranzitu antes zebra cross atu fo avizu ba motorista sira hodi hamenus velocidade.
Konkluzaun
Kruzamentu zebra cross la’ós de’it dekorasaun liña mutin iha estrada, maibé símbolu seguransa nian ne’ebé tenke ema hotu respeita.
Respeita direitu sira hosi ema la’o ain sira iha área ida-ne’e maka manifestasaun konkreta ida hosi kumprimentu tránzitu nian ba seguransa ema hotu nian.
Kruzamentu zebra hanesan fasilidade vital ida ne’ebé garante seguransa ba ema la’o ain sira. Tanba ne’e, hanesan obrigasaun ida ne’ebé fahe entre ema la’o ain sira no kondutór ou motorista sira hodi obedese ba regra sira hodi kria orden iha estrada ho seguru liu.
Komprensaun no kumprimentu ba funsaun zebra cross hanesan xave prinsipál ba seguransa tránzitu nian.
Ita hotu tenki kuda respeitu mútuo ba direitu utilizadór estrada sira nian atu nune’e ita-nia viajen sira seguru no ordenadu liu.
Ezisténsia zebra cross prova importánsia fasilidade ba ema la’o ain sira iha infraestrutura estrada nian.
Mantein nia funsaun prinsipál maka responsabilidade morál ita hotu nian nu’udar utilizadór estrada nian ne’ebé matenek no étika.
Zebra Cross la’os deit mak iha estrada maibe meiu ida atu salva ema nia vida, tamba ne’e motorista no ema la’o ain hotu-hotu tenki respeita no uza ho responsabilidade.
Hakerek : Equipa formando/a Sentru Informasaun Suco Dijital Bemori (SISD-Bemori)
Editor : Equipa formador Jornal Parede Dijital (JPD)_DNDM-SEKOMS
