SISD – BEMORI, 14 JULLU 2026 – Komunidade husi Aldeia Has-laran, to’o oras ne’e seidauk asesu ba be’e mos tanba afeta husi alargamentu Estrada iha tinan kotuk.
Liafuan hirak ne’e hato’o husi Filomena da Costa komunidade ida iha Aldeia Has-Laran, Suku Bemori ba Ekipa Sentru Informasaun Suku Dijital Bemori, Tersa feira (14/07) semana ne’e iha nia hela fatin Bemori
“Durante ne’e, ami la asesu ba be mos tamba ho alargamento Estrada nebe mak agora lao hela ne’e, halo be’e hotu maran tan paralon sobu sai hotu. Ita konta tuir deit alargamento ne’e fulan hira ona ami nia be’e mos la mai tuir dalan ne’ebe sobu dalan ne’ebe mak sobu hela nee”, tenik Filomena.
Nia haktuir durante ne’e sira sosa be’e tanki, dalaruma mos sira husu ba vizinhu sira atu bele hetan be’e mos ba nesidade uma laran nian.
“Ami durante ne’e sosa deit be’e ne’ebe maka ema faan iha kareta tanki no dalaruma ami sempre husu ba vijinho sira nebe mak fura rasik sira nia be’e” Filomena hatutan.
Nia mos informa problema hirak ne’e hato’o on aba Autoridade suku no hatutan mos ba parte BTL Ep maibe kanu be;e nian no paralon maka seidauk iha ho nune’e sei dauk halo kanalizasaun ba be’e mos iha poarte ne’e.
“Ami hato’o ona problema ne’e ba iha autoridade local no iha ne’eba autoridade local hanesan Xefe do Suco ba to’o iha fatin BTL Ep hodi hato’o problema ne’e maibe iha ne’eba Xefe do Suco so hetan resposta husi parte BTL Ep katak kanu ou paralon seidauk iha no sosa husi rai liur ne’ebe hein material to’o mai maka ami sei to’o ba hare’e be ne’ebe iha fatin refere”, Filomena haktuir.
Hatan ba preokupasaun hirak ne’e, Xefi Suku Bemori Francisco Sequeira rekomnhese kata koras ne’e dadaun iha Suku Bemori prosesu alargamentu Estrada kontinua halao hela husi kompania sira ho nune’e seidauk halao kanalizasaun foun ba be’e.
“Kona-ba bee mos, agora dadaun Suco Bemori iha Alargamento ba Estrada, hahu iha fulan kotuk liu ba, ita hare kanu sira nee estragos no at hotu, maibe iha Aldeia has Laran seidauk iha alargamentu mos sira la assesu ba bee mos, dehan Francisco.
Autoridade Suku ne’e mos informa husi ninia parte hato’o ona problema ne’e bai ha parte BTL Ep maibe material kanalizasaun be’e nian maka seidauk iha.
“Loron hirak liu ba hau ba hasoru director BTL Ep hodi koalia konaba komunidade iha Suco Bemori la assesu ba bee mos, maibe Diretor BTL Ep dehan agora kanu sira seidauk iha no sei hein hela material husi Indonesia no Australia quando material to’o ona, ami BTL Ep sei halo kanaliza bee mos ba comunidade uma kain 140 ne’ebe la assesu ba bee mos”, Xefi Suku hateten.
Hakerek nain : Ekupa Sentru Informasaun Suku Dijital Bemori
Editor : Ekipa Formador JPD-SEKOMS
