SISD – BEMORI, 14 JULLU 2026 – Sekretaria Estado ba komunikasaun Sosial (SEKOMS) kontinua establese plataforma suku dijital iha Suku Bemori.
Xefi Suku Bemori Franscisco Sequeira ba Ekipa Sentru Informasaun Suku Dijital Bemori, Tersa (14/07) semana ne’e hateten nudar lideransa suku lori estrutura tomak suku Bemnori hato’o agradesementu ba politika IX governu Konstitusional liu husi Sekretaria estado Komunikasaun Social (SEKOMS) ne’ebe estabelese ona Plataforma suku dijital iha Bemori hodi fasilita komunidade sira asesu ba informasaun.
“Hanesan lideransa komunitaria lori estrurtura suku nia naran hato’o agradese ba estado IX Governo Constituicional tamba liu husi servisu parseiru MAE, MTC no SECOMS bele estabelese suku digital iha ami nia sede suku Bemori hodi nune’e hafasil ami partilha informasaun ba komunidade suku ida ne’e nian”, dehan Xefi Suku Bemori.
Lideransa komunitaria ne’e garante katak durante nia mandatu, nia parte kontinua servisu hamutuk ho estrutura suku atu tau matan no desenvolve Plataforma ne;e iha future.
“Hau hatene katak Plataforma suku digital sai hela buat foun mai ami tamba ne’e aliende utiliza ekipamentus sira ne’e ho didiak ami mos iha obrigatorio atu kuidado no asegura to’o wainhira hau nia periode hotu bele entrega ba se’e maka lidera fali sede ne’e iha futuru mai”, katak Xefi Suku.
Tuir Xedi Suku ne’e katak ho establesementu Plataforma suku dijital nudar meiu ida atu ajuda komunidade sira ba hatene no akompanha konaba progresu desenvolvimentu ne’ebe halao iha suku laran.
“Hau hakarak hato’o ba hau nia komunidade sira katak sentru formasaun suku digital ne’e fo vantagen diak tebes ba ita bo’ot sira atu bele responde imi nia nesessidade lalais no lori imi hodi koñese ita nia suku ne’e diak liu tan”, dehan xefe suku Bemori.
Iha sorin seluk Duarte Miguel, komunidade ida husi Aldeia Babaliura Leste no hanesan mos formando ida hateten ho estabelesementu suku dijital iha Bemori nudar pasu importante ida tanba bele hafasil komunidade sira ba hetan informasaun konaba atividades no programa suku nian.
“Hau nia hanoin estabelesimentu suku dijital iha Bemori ida ne’e pasu ida importante no diak tebes tamba bele hafasil komunidade sira atu bele asesu ba informasaun liu husi telemovel, la presiza gasta tan ona sira nia energia hodi bele lao mai to’o iha sede suku, entaun ida ne’e hanesan buat ida ne’ebe maka diak hodi bele ajuda komunidade sira liu-liu komunidade sira ne’ebe maka hela dok husi sede suku, entaun sira bele asesu deit informasaun saida maka update foun iha ita nia sede suku liu husi telemovel”, dehan Duarte.
Hakerek Nain : Ekipa Sentru Informasaun Suku Bemori
Editor : Ekipa Formador JPD – SEKOMS
